鬼街童

時間：94年3月•地點：蘇屋邨附近•人物：祥嬸

祥嬸係大老山隧道收銀員，亦係我o既鄰居，佢通常半夜一兩點收工。由於佢有對陰陽眼，成日放工都會見到啲污糟o野，所以一得閒我就去搵祥嬸聽鬼故。

呢次祥嬸講返尋晚放工時見到o既o野。佢落車返到屋企附近時，已經累到行唔鬱，仍要一步一步咁拐返屋企。行到樓下公園時，聽到遠遠有小朋友嬉戲聲，佢見唔到有人，心感奇怪。但佢實在太累，歸心似箭，冇心去理其他o野。

小朋友o既嬉戲聲越o黎越近，祥嬸當堂停低回頭望望。突然祥嬸感覺到有一隻手捉住佢隻腳，而且用力拉。祥嬸企唔穩，跌o左落地。佢正想回頭睇�屪鉽茞虒艩d事，想鬧佢時，見到一班５、６歲o既小朋友肅靜咁企o係度圍住佢。

祥嬸嚇到面容失色，正想大叫嗰刻，班細路立刻撲過去抓佢。祥嬸一痛，心知自己成身傷痕，痛到佢立刻忍心地提起佢笨重o既腳，踢開班細路，雙手狂亂揮動，努力爬起身，然後對佢班細路大鬧：「你o地仲唔返屋企，你知唔知你爸爸媽媽會擔心㗎？」

之後祥嬸立刻掉頭走，有咁快走咁快，不敢回頭望多眼。後面班細路點，佢已經唔理。佢話呢次係佢撞鬼咁多次以o黎，最恐怖o既一次。平時啲污糟o野隻會同佢擦身而過，今次可能時運低，所以埋身搞佢。

李終貴按：如果祥嬸身上o既傷痕係真，嗰班街童可能係真而唔係「鬼」咁簡單。終貴建議祥嬸應該去驗傷，然後報警。

因為佢係被襲擊，而唔係時運低。祥嬸有冇話到啲傷痕有冇特別呢？正常人被抓o既傷痕係有啲血痕，紅紅地；

但如果係鬼做o既話，應該係瘀o左o既，紫色o既。叫祥嬸驗一驗先，咁多傷痕，可大可小，因住有破傷風菌。