[真人真事]廣州215巴士

呢件事唔系作咖，系真咖！件事發生系我F身上，果陣我地仲讀緊F2，由於過左幾耐下，所以記得唔系好清楚啦，件事大約系甘嘅：
有一晚，我個F，佢成12點先返屋企，佢要去搭215巴士，就系一個巴士站度等車，等左一陣就有一部215巴士來啦，跟住佢就上左車，車上面除左司機，同佢隻系得4.5個人左右，部車還似平時甘每到一個站就停一次，每次都會有一.兩個人上車，乜野年紀都有D，但系好奇怪，車上面嘅人，唔知點解都唔講野，面色又幾蒼白下，個司機仲怪，帶住帽，墨鏡同口罩，可以話系睇唔到個樣，
過左一陣，又到左一個站，有個頭發好白嘅阿伯帶住個細路上左車，左系佢隔離，個阿伯同個細路同其他乘客有D唔同，佢地嘅面色同正常人一樣，而車都有講野，跟住唔知做乜，個阿伯突然間好大聲甘話我個F偷左佢個銀包，我個F梗系話冇啦，越嘈越大聲，個細路仲喊埋，跟住個司機突然間急唔停車，佢終於都開口講野啦，把聲好沙啞，好低沉，好怪，分唔到系男定女，聽到我個F起雞皮，個司機講左一句說話：“你地3個快D落車！”跟住我個F同個阿伯就落左車，
我個F就問個阿伯做乜要屈佢？個阿伯就叫佢望部車嘅車牌號碼，同其他車系完全唔一樣，我個F越睇就越覺得個車牌怪，跟住個阿伯就話俾佢聽，個車牌唔系屬於我地呢個世界咖，果部系靈車，如果頭先佢地唔落車，就冇機會再落車咖啦，個阿勃叫佢以後晚上唔好亂上車，特別系12點之後，聽個阿伯講完，佢在望下部215，已經唔見左啦，差D嚇死佢，
返到屋企，佢問佢屋企人有冇D甘嘅車牌，佢屋企人話絕對冇甘嘅車牌，不過佢唔敢講件事俾佢屋企人，驚嚇親佢地，以後佢都唔敢再左215巴士啦，下次左車一定要睇清楚D先。
第2日，佢將件事講左俾我聽，我見佢個樣仲好驚，好彩，我屋企附近冇215經過，而我都從來唔搭215，
雖然件事情節好似同其他故事差唔多，但呢件事系真咖！