~~~屯門~~~猛鬼勝地~志樂別墅

~~~屯門~~~猛鬼勝地~志樂別墅

於2005年11月19號,我們一行6個人,於屯門青山公路志樂別墅進行探秘,相傳前屋主姓黃夫婦曾居住這地方,及後因把丈夫殺死,以及將丈夫埋於屋內既工人房之中,多年後才被起屍,所以充滿著怨氣,而且別墅已丟空左幾十年,所以很多人都認為呢間係屯門既猛鬼勝地!!!

我們六個人一早就相約響屯門等,齊人之後,我們懷著戰戰兢兢既心情,由屯門市中心坐車到達志樂別墅,初初睇見別墅既容貌,已經令我覺得同一間鬼屋冇分別,直情係好有feel添!!!

首先我地從地牢一直行,已見到一條樓梯上一樓,當我地企最前既一個拎起數碼相機一影,竟然影度好多光點,但係我地既肉眼係見唔到架,曾經聽人講,o個o的光點叫做orbs,而每一個光圈就屬於一個靈髏,嘩咁我身邊咪好多鬼,但係好奇怪,我地再影既時候,o的orbs已經變得好小喇,其實我覺得我地已經騷擾到o個度既靈體喇,但係突然之間我地其中一個人叫我地睇佢拍既DV,竟然於段片既一至兩秒之間,見到一個人影既物體蹲左響牆角度(如果想睇o個段短片,就叫我send俾你地喇),當時大傢既心都寒一寒,但係仲隻係響一樓,冇理由唔行哂佢架,而我地一路都不停拍照,希望可以影到更多靈異既照片俾大傢睇下,但當上到頂樓既時候,我已經感覺到一股好大既壓力推向我心口,而且仲唔係得我一個有咁既感覺,我覺得有部份既靈體已經開始對我地有小小不滿喇,所以響二樓,我地影完相就落去工人房,據我所知,工人房應該係被人埋屍既地方,但當我地去到既時候,唔知係咪o的靈體都集中響大屋裡面(因為工人房唔係響大屋度),最後連埋後花園都冇乜特別事情發生!!!

但係我奉勸各位,呢o的地方千祈唔好一個人去!!!