2012-5-15 05:45
wilson015
鬼怪事~ (小童勿進)檢舉
同學仔有次跟屋企人去掃墓，人仔細細好鬼百厭，傢人打理墓園時，他四圍跑，八卦咁去望墓碑相，見一小孩相，不隻笑人醜樣，仲見累坐左係小孩的墓碑上，隻腳fing下fing 下，離開時仲對張相扮鬼面。
半夜，同學仔阿爸聽到有人在廳鬼殺咁嘈，出去睇下乜事，點知見個仔….好似馬騮上身咁，手拿著老婆煮飯果把刀係度舞，跳上跳下咁大叫，傢人合力按著同學仔，制服在地。
接下來幾天，同學仔都不停發高燒，無法起床，但晚上又會醒神舞刀，傢人發覺有古怪，便請茅山師傅之類的高人來看看，同學仔講出掃墓當天做過的事，師傅話應該野到 d 污糟野，比左度符貼在床頭，又念一輪咒，當晚同學仔就退瞭消，但晚上仍會起身舞刀。
再請茅山師傅出場，話一定要去拜會對方傢人，最後幾經辛苦聯絡到對方媽媽，師傅問佢個仔最驚係乜，於是就向這傢人取回同學仔傢中，作鎮壓之用，你估係乜？係“雞毛掃”呀！就咁掛係同學仔的床頭一個月…..奇怪的係….自此同學仔真的沒有再在晚上舞刀瞭。
另一件係朋友的姐姐，兩年前搬入某單位後，便覺得周身唔舒服，成日有病痛，晚上亦睡不安隱，因為聽到成晚有“高跟鞋”行來行去的聲，但她都算大膽，唸住可能鄰居很夜回傢並製造噪音，有次打算上樓拍門，勸對方細聲d，但一離開間屋，d鞋聲又無左，所以不瞭瞭之就咁算數。
有次見那陣子…..真的太運滯，總係頭頭碰著黑，又多病痛，所以經同事介紹，搵左個出名風水大師，唸住上門幫佢執執，改下d運，但沒有向師傅提及任何事，隻當風水轉運咁睇。
風水大師入到屋內轉幾轉，便面色凝重地說，這個單位不適合她住，內裏不乾淨，再細問，師傅解釋這裏住瞭三隻女鬼，她大膽地問可否做d野化解？師傅勸說，她們不歡迎你，照理應該一直都有騷擾你，都是早走早著為妙。結果朋友姐姐搬離瞭單位，整個人變得精神番，無再成日病。
以上並非想宣揚d乜野神怪，道人迷信的事，隻係分享下自己的聽聞，信者有，不信者無，唔好太上心。