E-mail的殺機E-mail的殺機 E-mail的殺機 「這是一封不幸的信，收到的人若不將這封信立刻傳送給七個人，你將會在七天之內遭逢橫禍。」呢o的黑心o既E-mail相信好多人都收過，有o的人見到佢會置之不理；有o的人就會鬧完無聊之後驚一輪；不過最差o既都係口話唔驚，但又急急將封信傳送俾人。其實類似o既E-mail仲有好多，以下呢封更傳聞會羅你命。 近來好多地方都好興o向店度擺一兩部電腦免費任玩吸引客人，當中以漫畫茶室最受年青人歡迎。Ryan同Cheryl兩個都好鍾意放學後去漫畫茶室玩電腦，其中花最多時間o黎上網同玩On-line Game。 「又係o的無聊信，罷鬼曬我o的位！」Ryan同Cheryl個E-mail信箱每日都會收到四五封宣傳廣告，大部份佢o地都唔會睇。不過今日有一封E-mail個題目已經好特別，所以Ryan好好奇咁Click入去睇。 見到這封E-mail，Cheryl即刻疑心病發作，「邊個約你呀？女仔o黎o架？」 「o的人亂Send之嘛！」Ryan口講唔識，其實信裡面果個Pui Pui係Ryan o既前度女友，一年前已經分o左手。Ryan自從同Cheryl一齊之後就已經冇同佢聯絡。 返到屋企，Ryan再次打開呢封E-mail ，望住封信左諗右諗，始終想唔到同Pui Pui有乜約定，打電話俾佢又話電話號碼冇登記，唯有當冇件事。 第二日Ryan去到一間Cyber Cafe，又再打開個E-mail Box，信箱裡面又有一封好奇怪簕信： 寄件者：Pui Pui<[url=mailto:
[email protected]]mailto:
[email protected][/url]> 收件者：Ryan<[url=mailto:
[email protected]]mailto:
[email protected][/url]> 傳送日期：2001年3月4日AM01:13 主旨：三日後見！！！ 請記得我們的約會！你答應過的，沒有忘記吧？ 我已經先去那地方瞭，三天後我會來接你！ 雖然要離開你身邊的人，但每個人都會經歷的嘛！ 如果你還有什麼事情沒做，趕快去做吧，因為之後你沒有機會做的瞭！ Pui Pui 寄件者：Pui Pui<[url=mailto:
[email protected]]mailto:
[email protected][/url]> 收件者：Ryan<[url=mailto:
[email protected]]mailto:
[email protected][/url]> 傳送日期：2001年3月5日AM01:13 主旨：兩日後見！！！ 還有兩天我們就可以見面瞭！自從離開以後，一直沒有見過你，不知道你過的怎樣？有沒有想我？想到我們就可以見面瞭，心裡就好興奮喔！你還是跟以前長的一樣嗎？ 想見你…… 想見你…… 想見你…… 想見你…… 想見你…… Pui Pui 「又係佢！無端端見乜面呀？」Ryan真係怕Cheryl會因為呢封信鬧佢，所以即刻回返封……俾Pui Pui。 「希望佢唔好再搵我啦！」 寄件者：Ryan<[url=mailto:
[email protected]]mailto:
[email protected][/url]> 收件者：Pui Pui<[url=mailto:
[email protected]]mailto:
[email protected][/url]> 傳送日期：2001年3月5日PM05:46 主旨：不要再找我 Pui Pui我們已經分手瞭，我又有女朋友，請你不要再找我。以往我們的約定算瞭吧！我已經不記得瞭。 Ｒyan 雖然Sent o左封信俾Pui Ｐui，但係Ryan越諗越驚，所以索性去Pui Pui屋企搵佢，費事佢再搞事。Pui Pui住o向小西灣o既一個公共屋村，Ryan依稀仲記得佢o個地址。 「14樓……應該係14樓……係呢間啦！」 叮噹…叮噹…按門鐘之後，Pui Pui媽媽開門，佢見到Ryan，表情明顯好奇怪。 「你咪係Pui Pui以前個男朋友，咩事呀？」 「我想搵Pui Pui呀！伯母唔好意思，打擾曬！」 「你想搵Pui Pui？佢唔o向度喇！」Pui Pui媽媽聽到之後面色大變，連把聲都震埋。 「佢唔o向度呀？幾時返呀？我等佢返o黎得唔得呀？」 「佢唔會返o黎o架喇！佢過o左身呀！」 「過o左身？幾時呀？」 「上兩個禮拜囉！你走啦！」Pui Pui媽媽一講完就已經喊o左出o黎。 原來Pui Pui三個禮拜前撞車喪生，佢o既喪禮都係o個排舉行完。咁邊個假冒Pui Pui個名發E-mail俾自己呢？諗極都唔知係邊個整蠱自己，不過Ryan就已經冇曬心機，就連本來約o左Cheryl都唔去。 呢晚Ryan總係囉囉孿，佢開始相信個E-mail係死o左o既Pui Pui寄俾佢。究竟點解要寄封咁o既E-mail俾自己？唔通真係要拉埋自己落去下面陪佢？越諗越驚，所以Ryan索性匿埋o向屋企。第三日仲係乜事都冇發生，Ryan終於覺得個E-mail係惡作劇居多，所以佢又去上網，同時亦好習慣咁開E-mail睇。「睇o下你仲玩唔玩？」呢個時候E-mail Box又顯示有一封新E-mail，題目係：我今日準時接你！！！ 寄件者：Pui Pui<[url=mailto:
[email protected]]mailto:
[email protected][/url]> 收件者：Ryan<[url=mailto:
[email protected]]mailto:
[email protected][/url]> 傳送日期：2001年3月6日AM01:13 主旨：我今日準時接你！！！ 今日下午四點我會o黎接你！好期待呀！ Pui Pui Ryan望見個鐘顯示已經四點半，「已經過o左四點啦！冇事咯！都話係惡作劇o架啦！」Ryan放曬心後就即刻打電話俾Cheryl，同佢講返成件事，順便約佢出o黎玩。正當Ryan講電話講到入曬神之際，馬路上一架私傢車突然衝上行人路，撞到Ryan彈起再跌落地。Ryan送到醫院時已經傷重死亡。 Ryan死後，Cheryl去到Ryan間房，竟然見到電腦開著，上面有一封新E-mail。 寄件者：Pui Pui<[url=mailto:
[email protected]]mailto:
[email protected][/url]> 收件者：Ryan<[url=mailto:
[email protected]]mailto:
[email protected][/url]> 傳送日期：2001年3月7日AM01:13 主旨：對唔住！我遲到！！ 你應承過死都同我一齊，終於做到喇！ Pui Pui