銅鑼灣SOGO八樓

唔知大傢平時行開銅鑼灣間Sogo,
有冇留意到Sogo既七樓同九樓之間係冇八樓既呢?
除左lift係唔會停八樓之外,如果你搭電梯既話,o係七樓上九樓其間,
會經過一層所謂既八樓,o個層八樓隻有百幾二百呎既面積容納另一條電梯往九樓,
呢層既其他地方完全密封,用兩塊大鏡隔開.每次經過呢個八樓,
大傢隻會見到鏡中既自己...
但係點解好地地會冇左個八樓既呢?
Sogo員工一直都有談論,而且大傢都知道呢個八樓好邪。
話說起初SOGO淨係用得著七層,所以八樓用九樓都係空既,但係後來需求擴大,
SOGO決定用埋八樓擺寢室用品既野,但係點知搬曬D野上去之後,
第二日所有貨品都會移曬位,亂曬,仲有有時D保安夜晚搭LIFT,無論按幾多層,
LIFT係唔係都會開八樓,一路維持左一個禮拜都係咁,大傢都心知不妙,
所以SOGO高層都搵左大師黎睇睇,大師睇到八樓根本成層都有冤魂侵佔左,
由於數目太多,冇辦法趕走,亦都怕觸怒佢地,會引起好可怕既後果,
所以大師建議將成層八樓搵野封住,加兩塊大鏡鎮住佢地唔好攪其他層數,
SOGO高層惟有咁做.
所以八樓就一路都冇用到喇...大傢下次行開不妨睇下傳說中既SOGO八樓...