2012-5-15 09:39
wilson015
鬼聲鬼戲
鬼聲鬼戲
時間：五年前•地點：屋企•人物：阿金阿嬸
其實呢件事唔關我事，係我阿嬸見到。佢成日話自己有陰陽眼。我隻覺得佢係拜神婆，因為佢好迷信，我o地都唔係幾理佢。不過大傢一齊住，有時會忍讓吓佢。
五年前，佢因為屋企火燭，所以搬o左o黎同我住。佢話早一晚睇電視時，o係熒?隰見到自己間屋著火，已經預料會有火災。佢仲預感到有人縱火，所以早一晚佢已經去o左我屋企，仲帶埋行李過o黎。
我問佢點解唔報警，佢話報警啲人都唔會信，而且間木屋咁舊，火災有得賠，所以佢表現得好開心。呢個世界真係有咁橋，間屋真係火災，我做親戚o既都有啲驚佢，驚佢預感到唔好o既o野，所以大傢一齊住期間，都冇乜兩句。
有晚，屋內隻有我同佢兩個睇粵語殘片，做緊任劍輝同白雪仙，佢突然間同我講：「你阿嫲企o係任劍輝後面。」嚇到我死。因為我阿嫲已經過o左身差唔多成年。我鬧佢：「你就企o係佢後面！」佢望一望我，跟住話：「你阿嫲企o係你後面呀！」我梗係唔信啦。但係想鬧返佢o既時候，我見到阿嫲企o係佢後面。當時我唔敢講，繼續睇電視。
點知佢又話：「你阿嫲想同你講o野。」我唔知有乜同佢講。但係冇耐我真係聽到阿嫲o係我耳邊講o野，我聽唔清楚佢講乜，但係好似係佢把聲。
到第二日，我同老豆講起呢件事，老豆話：「我尋晚都夢見阿媽返o黎。」大傢都好驚。
李終貴按：粵語長片入便見到自己o既先人，真係有啲恐怖。終貴有時睇粵語長片，見到個個都已經仙遊，有時都會有啲驚！終貴阿嫲仍然在世時，有次佢睇粵語長片，曾經同終貴講：「我下年會同佢一齊㗎。」
真係一語成讖，終貴都覺得好「橋」！